ВОВЕД |
Доколку
работата од Вас бара повремено
да комуницирате со медиумите
за да ја информирате јавноста
за вашите активности, да ги
промовирате плановите што сте
ги зацртале, да покажете
транспарентност во работата
или да придонесете во
решавањето на некои прашања од
јавен интерес, тогаш овој
прирачник ќе Ви помогне
едноставно, ефикасно и
професионално да ја "спакувате"
и да ја испратите вашата
порака.
Познавањето на правилата за
успешна комуникација со
медиумите ќе ви помогне да го
организирате добро вашиот дел,
а новинарите да ја пренесат
прецизно вашата порака до
јавноста, без многу напор и
трошење време.
Материјалот во овој прирачник
е систематизиран преглед на
најважните заклучоци од сите
семинари, работилници и обуки
на оваа тема кои Македонскиот
институт за медиуми во
изминатиот период ги
организираше за невладини
организации, единици на
локалната самоуправа, за
портпароли и за подмладоци на
политички партии.
Во него се објаснети правилата
за развивање на медиумската
стратегија, алатките за
комуницирање со медиумите,
правилата за надгледување и
проценка на медиумската
покриеност на вашиот настан, а
ќе најдете и други корисни
информации што ќе ви ја
олеснат комуникацијата.
Не заборавајте дека медиумите
можат да бидат важен сојузник
на патот кон вашиот успех. |
 |
|
|
|
